´t Geet niet zo best met onze welt, de mens is dooran schuld

In rap tempo geet alles op, zi-j hebt jao gin geduld

De beume in de bossen wordt onwies snel geveld

Zi-j stonden vaak wel 1000 joor en mosten um veur ’t geld

De eerde wӧdt steeds warmer en door is gin holden an

De zommers met hun bollenhette duur’n onmundeg lang

 

Refrein:

Aalten an de zee. Wi-j gaot naor Aalten bie de zee

Met vader, met moeder, met bruurken en met zusjen

Ome Theet, tante Greet met z’n allen in ‘n busjen

Gao ‘w naor Aalten bie de zee. Wi-j nemmen brödjes en koffie mee

Jong en old die bunt verbli-jd, wanneer zi-j van de duinen gli-jdt in Aalten an de zee

 

De tropen bunt straks vlak bi-j huus, ’t Is moor woor- j van hold

’t Lik hier soms wel een landklimaat: Dan is ‘t weer heit dan kold.

’t Raegent vake ok lange niet en dan opens onwies

De natuur verdreugt en wi-j verzoept deur ’t smelten van ‘t ies

De gaete in de ozonlaog deur gas en CO2

Werkt zeker met an ‘t ontstaon van Aalten an de zee

 

Refrein:

Aalten an de zee. Wi-j gaot naor Aalten bie de zee

Met vader, met moeder, met bruurken en met zusjen

Ome Theet, tante Greet met zien allen in ‘n busjen

Gao ‘w naor Aalten bie de zee. Wi-j nemmen brödjes en koffie mee

Jong en old die bunt verbli-jd, wanneer zi-j van de duinen gli-jdt in Aalten an de zee

 

’t Ies door op de polen verdwient van dag tut dag

De zeeën die raakt aovervol, ’t smelten geet gestaag.

De duunen en de dieken, veur zekerheid en rust

Bunt niet bestand tegen Tsunami’s an de Noordzeekust

As Holland dan ok onderlӧp en zit ’t ons niet zo mee

Dan kunt wi-j zommers toch nog t’recht in Aalten an de zee

 

Refrein:

Aalten, près de la mer. Wi-j gaot naor Aalten, près de la mer

Met pappie, met mammie, met broertje en met zusje

Oncle Pierre, tante Claire en ’t hele familie husje

Gao ‘w naor Aalten, près de la mer. C’est tres chique la, ce n’est pas cher

Jong en old die bunt verbli-jd, wanneer zi-j van de duinen gli-jdt in Aalten an de zee

Wi-j gaot naor Aalten bie de zee. Wi-j nemmen brödjes en koffie mee

Jong en old die bunt verbli-jd, wanneer zi-j van de duinen gli-jdt in Aalten an de zee

Jong en old die bunt verbli-jd, wanneer zi-j van de duinen gli-jdt in Aalten an de zee

 

2 comments on “Aalten an zee

Geef een reactie

Het e-mailadres wordt niet gepubliceerd. Vereiste velden zijn gemarkeerd met *